A negociación da Oferta de Emprego Público para o ano 2020 pechouse sen acordo. A proposta feita por parte de Función Pública, aínda que nos límites do permitido pola Lei de Orzamentos do 2018 (vixente na actualidade consecuencia das prórrogas para os anos 2019 e 2020), non acada un número suficiente de postos a convocar que permita atender as necesidades de persoal que demandan os distintos Organismos da Administración Xeral do Estado para atender a xestión das competencias que teñen encomendadas. Tendo en conta que a proposta da Administración non atende as demandas da CIG; non consideramos oportuna das a nosa aprobación a esta proposta. Como alternativa propuxemos completar esta oferta ordinaria, cunha oferta extraordinaria dirixida a atender as necesidades de persoal daqueles organismos que teñen competencia en xestión de prestacións e naqueles outros que fan atención directa ao público.
